Dang‘arada “Ochiq eshiklar kuni” tadbiri o‘tkazildi

🔷Dang‘ara tumani hokimligi, DXX chegara qo‘shinlari harbiy qismi hamda hamkor tashkilotlar hamkorligida “Milliy Armiya — Ona yurt qalqoni, tinchligimiz posboni” shiori ostida “Ochiq eshiklar kuni” tadbiri tashkil etildi.

🔷Tadbir yoshlarni vatanparvarlik ruhida tarbiyalash, ular qalbida milliy armiya bilan faxrlanish tuyg‘usini kuchaytirish hamda harbiy kasbga qiziqishlarini oshirish maqsadida o‘tkazildi.

🔷Dang‘ara tumani hamda Furqat tumani yoshlari chegara qo‘shinlarining shakllanish va rivojlanish tarixi bilan tanishishdi, harbiy xizmatchilar va ularning oila a’zolari uchun yaratilgan sharoitlar haqida ma’lumot olishdi.

🔷Shuningdek, tadbirda ta’minot turlari, qurol-yaroq va harbiy texnikalarning ko‘rgazmalari tashkil etildi, bu yoshlarga milliy armiya hayoti va uning faoliyatini yaqindan ko‘rish imkonini berdi.

🔷Tadbir yoshlar o‘rtasida vatanparvarlik hissi va milliy armiyaga bo‘lgan qiziqishni yanada yuksaltirishda muhim ahamiyat kasb etdi.