🔷Dang‘ara tumani Madaniyat markazida O‘zbekiston Respublikasi Davlat Madhiyasi qabul qilingan kun hamda to‘y va ma’raka marosimlarini qisqartirish, ularni oddiy va tartibli shaklda o‘tkazish masalalariga bag‘ishlangan uchrashuv bo‘lib o‘tdi.

🔷Tadbirning boshida O‘zbekiston Respublikasi Davlat Madhiyasi tantanali ravishda ijro etildi.

🔷Uchrashuvda tuman hokimi o‘rinbosarlari, mahalla fuqarolar yig‘ini raislari va xodimlari, Nuroniylar jamoatchiligi vakillari, otin-oylartuman, tuman imom-xatiblari va ularning noiblari hamda jamoatchilik faollari ishtirok etdilar.

🔷Tadbirda Ma’naviyat va ma’rifat markazi tuman bo‘linmasi rahbari tomonidan Davlat Madhiyasining tarixiy ahamiyati, uning yoshlar tarbiyasida, vatanparvarlik ruhini mustahkamlashdagi roli haqida fikr-mulohazalar bildirildi.

🔷Uchrashuv davomida Dang‘ara tumanida “Maromiylik” dasturi doirasida “To‘ylar, oilaviy tantanalar, ma’raka va marosimlar o‘tkazilishini tartibga solish tizimini yanada takomillashtirishda davlat va jamoat tashkilotlarining roli” mavzusida davra suhbati tashkil etildi.

🔷To‘y va marosimlarni ortiqcha sarf-xarajatlarsiz, ehtiyotkor va iktisodiy tarzda o‘tkazish bo‘yicha belgilangan talablar, ularning ijrosini ta’minlash mexanizmi va targ‘ibot ishlari muhokama qilindi.